Bouchra El – Charabaty

في قصص .. ما بتخبرن إلا لحالك
و في أفكار  .. ما حدا غيرك بيفهما        
بس في إحساس .. إنت وحدك .. بين كل الناس .. بتحسو
ﻷنو في كون .. إنت عم تتمشى بين غيومو .. بدون حدا
و تحاكي خيالك
تسائل نفسك
أنا ليش هون
و ليش القدر كتبلي
إنو توه
بالوجوه
متل السايح
التايه
المغترب
اليتيم
المتروك
و بتشتاق …
لمين ؟
لحالك ..
تفتش ع ذكريات
لحظات
تردك ع إيام
نسيت تعد فيها الثواني..                
و تتوه بأغاني
دندنتن انت
ما بتعرفن لمين
بس هني إلك
وحدك
بيفهموك
بيحسو فيك..
بتلاقي دفتر
حسابات
نسيتو ؟
تناسيتو ؟
تذكرتن ؟
هني ما بدن يعرفو عنك شي !
تركن بحالن
تروك حالك بحالك
و خليك بحالك ..
هلأ خبرني
لقيت حالك ؟
طب ع شو عم تفتش؟